చరణ్‌కోసం ఎన్టీఆర్.. చిరు రూట్లో ఎన్టీఆర్

రామ్ చరణ్ కథానాయకుడిగా శ్రీను వైట్ల దర్శకత్వంలో తెరకెక్కుతున్న చిత్రానికి యంగ్ టైగర్ ఎన్టీఆర్ వాయిస్ ఓవర్ ఇవ్వనున్నట్టు సమాచారం. ఈ చిత్రంలో రామ్ చరణ్ స్టంట్ మాస్టర్‌గా నటిస్తున్నాడు. అంటే సినిమా పరిశ్రమతో లింక్ ఉన్న చిత్రం కావడంతో స్టార్ హీరోలు ఈ చిత్రంలో కనిపించనున్నారన్నమాట. చిరు, నాగార్జునాలకు ఫైట్స్ కంపోజ్ చేసే సన్నివేశాలు ఈ సినిమాలో చూపించనున్నారట. కాగా ఈ సినిమా కోసం ఎవరైనా స్టార్ హీరోతో వాయిస్ ఓవర్ ఇప్పించాలని అనుకున్నాడట దర్శకుడు శ్రీనువైట.్ల దీంతో ఎన్టీఆర్‌ను సంప్రదించడం  విషయం చెప్పడం, ఎన్టీఆర్ గ్రీన్ సిగ్నల్ ఇవ్వడం చకచకా జరిగిపోయాయట. జూనియర్‌కు, రామ్ చరణ్‌కి మద్య బావా.. బావా అని పిలుచుకునేంత సాన్నిహిత్యం ఉంది. అదీ కాక శ్రీనువైట్లతో ఎన్టీఆర్ బాద్‌షా తీశాడు కూడా. ఆ సాన్నిహిత్యం వల్లే వాయిస్ ఓవర్ ఇవ్వడానికి ఎన్టీఆర్ ఒప్పుకున్నాడట. గతంలో జల్సా కోసం మహేష్ బాబు, మర్యాద రామన్న కోసం రవితేజ, రుద్రమ దేవి కోసం చిరంజీవిలు వాయిస్ ఇచ్చారు. ఇలా ఏ బేషజా        లేకుండా ఒక హీరో కోసం మరొకరు సహాయం చేయడం మంచి పరిణామమే.. ఇలాంటి పరిణామాల వల్ల అభిమానుల మద్య సఖ్యత పెరుగుతుంది.